Sinadyang sunugin ng isang lalaki ang kanyang sariling bahay sa Bgy. Abongan, Taytay Palawan habang naka-facebook live.
Ayon kay SFO1 Ramon Avanceña ng Taytay, naganap ang sunog bandang alas 12:00 kaninang tanghali.
kinilala ang suspek na si Reymond Samura Estrosas 18 anyos at residente ng nasabing lugar.
Batay sa inisyal na imbestigasyon ng BFP, nakainom ang suspek nang sunugin nito ang kanyang bahay. Sinilaban nya ito gamit ang lighter.
Mabilis na kumalat ang apoy dahil gawa sa light materials ang bahay ng suspek. Iniwan ang supek ng kanyang asawa dahilan na sinunog nito ang kanilang tahanan. Posibleng maharap sa kasong arson ang suspek.