Patay diha dayon ang usa ka lalaki nga kapin lang sa semana nga nakagawas sa bilanggoan sa kasong murder dihang kalit lang gitabangan og pusil sa tulo ka wala pa mailhing mga tawo nga sakay sa motorsiklo samtang nagsakay og e-bike sa Tagonol, Cogon Pardo dakbayan sa Sugbo alas 6:40 sa gabie, Mayo 7, 2024
Ang gipusil-patay mao si Jemar Pepino Cañete, 22-anyos residente Sitio Colo, Brgy. Inayawan dakbayan sa Sugbo.
Sa exclusive interview sa Brigada News FM Cebu, matud sa iyang kabanay nga gawas sa pagsuyop og shabu ang biktima gitumbok usab sa kapulisan nga konektado sa pagpusil-patay sa usa ka e-bike driver sa miaging tuig .
Atol sa krimen si Cañete mao ang driver sa e-bike dihang namusil ang iyang higala nga si Jenecy Rafols alyas Atong Bacalso Rafols, 25-anyos nga taga Sitio Colo Barangay Inayawan apan sa iyang pagtago-tago sa Bohol didto na kini gidakop sa kapulisan nga nagbase sa Sugbo
Matud sa uyo-an sa biktima, iyang gitambagan ang iyang pag-umangkon nga mas maayong mobiya dinhi sa Sugbo kay matod pa nga adunay naglagot kaniya sa iyang pagkalaya sa bilanggoan apan wala lang manumbaling si Cañete.
Gibutyag ni Marissa, inahan sa biktima, nga wala siya makahibalo nga milaya na diay sa bilanggoan ang iyang anak. Giangkon usab sa inahan nga buotan ang iyang anak apan sukad nga nakabarkada na alyas Atong diha sa Inayawan nagumon kini sa ilegal nga drugas. | Alan Tangcawan