Landbank at DBP, pag-iisahin – Diokno

Posibleng pag-isahin na ang Development Bank of the Philippines at Land Bank of the Philippines bago matapos ang kasalukuyang taon.

Ito ang inanunsiyo ni Finance Secretary Benjamin Diokno sa isinagawang press briefing ngayong araw ng Martes, Marso 28.

Ayon kay Diokno, ang pagsasanib ng dalawang bangko ay napag-usapan ng Pangulong Ferdinand “Bongbong” Marcos Jr. kasama ang economic cluster.

Sakali umanong matuloy ang DBP-Landbank merger ay ito na ang maituturing na numero unong bangko sa bansa.

“By merging the two, it will now become the number one bank in the Philippines ahead of Banco de Oro in terms of assets,” ani Diokno.

Dagdag pa nito na ang naturang proposal ay suportado ng pangulo at handa niya itong isakatuparan.

Sa ngayon ay 752 branches ang Landbank habang ang DBP naman ay mayroong 147 branches.

Leave a Reply

Your email address will not be published. Required fields are marked *