Langoy Pilipinas gisugdan sa Sarangani Province

GISUGDAN Pebrero 25, 2023 ang Langoy Pilipinas, usa ka bag-ong national swimming competition alang sa mga bata edad 6 anyos hangtud 17 anyos.

Gitawagh nga”Langoy Pilipinas-1st Governor Rogelio D. Pacquiao Cup,” ang maong kompetisyon nga gisalmotan sa 10 LGUs gikan sa mga nag-unang syudad sa Metro Manila, Visayas, ug Mindanao.

Gipahigayon ang kompetisyon sa Sarangani Sports Training Center (SSTC), Capitol Compound.

Namugna ang maong event pinaagi ni swimming coach ug Langoy Pilipinas national organizer Darren Evangelista ug target dili lang kadtong mga school-based teams apan lakip na sa mga less fortunate children ug out-of-school youth.

Abli matud pa ang tournament sa tanang mga batan-ong Pilipino nga mahilig molangoy ug walay gipili nga affiliations ug tinuohan.

Kasamtangan usab ang Langoy Pilipinas ang nakig-alayun sa mga partner LGUs nga tabangan sila sa pag-identify sa mga less fortunate swimmers sa ilang komunidad aron pasalmuton sa maong event.

Ang Manila, Tarlac, Cavite, ingon man ang Laguna sa Luzon; Bohol, Roxas, ug Bacolod sa Visayas; ug Sarangani Province ug Cagayan de Oro City sa Mindanao, ang partner cities sa maong programa.

Ang Langoy Pilipinas ang suportado usab sa Swimming League Philippines, Philippine Swimming League ug Congress of Philippine Aquatics, Inc.

Photo by Sarangani Provincial Information Office

Leave a Reply

Your email address will not be published. Required fields are marked *