Lapsag nga ginbilin sang kaugalingon nga iloy sa baligyaan sang karne sa Roxas Avenue, padayon nga ginabulong sa ospital

Padayon nga ginabulong sa isa ka ospital ang lapsag nga ginpahayag ginbilin sang iya kaugalingon nga iloy sa baligyaan sang karne sa Roxas Avenue, Roxas City sang damlag lang.

Sandig sa Roxas City PNP, nakit-an sang isa ka residente nga ginkilala kay alyas Tangkad ang amu nga lapsag sadtong tinalikdan nga Sabado, Abril 8, 2023.

Suno kay Tangkad, magapadulong kun tani siya sa isa ka tindahan agud magbakal sang kape sang hinali siya nakabati sang nagahibi nga bata kag sa iya nga pagtsekyar, nakit-an sini ang lapsag nga yara sa tapangko kag naputos sa lampin.

Ginsapupo ni Tangkad ang lapsag kag gindala sa ila puluy-an.

Dugang pa sini nga nagahulat siya nga may magpangita sa lapsag apang wala gid ini ginbalikan sang iresponsable nga iloy kun sa diin nagpangayo nalang ini sang bulig sa mga otoridad.

Sa karon, yara sa ospital ang lapsag matapos nagasupriher ini sang Pneumonia samtang ginahulat pa ang desisyon ni Tangkad kun ini ang igabalik ini sa iloy ukon igatugyan na lamang sa paghinakop sang Department of Social Welfare and Development (DSWD). | Judy Ann Juare