GIPAGAWAS sa sulod sa Central Public Market ang mga vendors nga naga tinda og mga lamas, gulay ug prutas, Mayo 25 sa hapon tungod niini naga-angal ang mga nahisgotan kay nakalitan sa pagpagawas kanila sa ilang ginalarayan.
Sumala kay Zaida gikan sa Purok Islam, pigado ang paningkamot kay gipagawas sila, nagpwesto sila daplin sa Maranao section sa buntag apan dili na sila makabalik sa hapon, wala pa daw sila na impas sa 5-6 nga pautang.
Sumala usab kay Jalil gikan sa Blk 4, Brgy. Bula mahina ang gibutangan sa ilaha kay wala katuod ang mga customer alas dos sa kaadlawon siya nagsugod naabtan og alas kwatro wala pay buena mano.
Sumala usab kay Badria alas tres sa kaadlawon pa siya nagsugod og tinda pero wala pay halin, tungod niini naga-angal na siya kay unsaon nalang ang ilang ipalit bugas.
Sa bahin sa Market Supervisor nga si Lito Escalamado, gikumperma niini nga aduna silay gihimo nga meeting aron mahapsay ang merkado nga problema kayo ang social distancing mao nga usa sa gihimo ang pagbalhin sa mga nagalaray gikan sa sulod padulong sa kilid sa Maranao section.
Aminado usab si Esclamado nga lisod i-control ang mga tawo sa merkado kon dili mabalhin ang laray.
Samtang istrikto nga ginapatuman ang clustering unya ang pagpasunod sa health protocol, dili makasulod sa merkado ang walay facemask ug faceshield, moagi usab sa thermal scanning sugod kaadlawon hangtud sa hapon.
Gidugang ni Esclamado nga nagbutang usab sila og lane alang sa essential products aron dili malangay sa pagpasulod sa palingke ug mapadayon ang supply sa pagkaun. ( Ever Diazon)