Lawas ni Kapitan Tata Llubit gipailawum sa otopsiya

Gipailawum na sa otopsiya ang lawas ni Brgy. 9-A Kapitan Roderico Tata Llubit isip rekisitos sa pagpasang-at og pormal nga asunto batok sa responsable sa pagpatay kaniya.

Sumala sa partner niini nga si Mary Grace Fuentes, sa balay lang  sa San Rafael Muslim Village sa Maa ipahimutang ang haya sa patayng lawas ni Kapitan Llubit.

Ang lawas sa kapitan ang anaa sa St Peter Panacan ug bisan unsang orasa dad-on kini og balik sa ilang pinuy-anan aron makauban kini sa iyang pamilya, mga hgala, kaubananan sa trabaho, ug sa iyang mga ginsakupan.

Saysay ni Fuentes nga sa wala pa nahitabo ang pagpatay kaniya, nianang adlawan pa sa Martes labihan kini ka sweet og nanghagad pa kini nga mangaon sa ilang paboritong kan-anan.

Nakasigurado si Mary Grace nga maayo ang pagpanaw sa Kapitan ug magmalinawon na kini sa laing kalibutan nag layo sa problema sama sa mga badlungon sa iyang barangay, dili na matud pa mapulaw si Kapitan Llubit sa pagronda ug wala na kini madawat pa nga hulga sa kinabuhi.

Nasayrang tibook Barangay 9-A karon ang nagbangutan sa pagkamatay sa gibantogang amahan sa barangay tungod sa iyang pagkamatinabangon, pagkaligdong ug tinooray sa serbisyo.BNFM-DAVAO