LeBron, naitala ang kaniyang season-high 39 points sa Lakers vs Pacers game

Naitala ni LeBron James ang kaniyang season-high 39 points, kabilang na ang seven points sa overtime sa naipanalong laro ng Los Angeles Lakers kontra Indiana Pacers na nagtapos sa 124-116.

Sa malaking bahagi ng laro ay kinailangan ng Lakers na maghabol sa score.

Unti-unti naman nakabawi ang Los Angeles, lalo na sa huling bahagi ng fourth quarter.

Nagawa naman ng Los Angeles na makalayo sa pamamagitan ng six-point lead nito sa tulong ng magkakasunod na tira ni LeBron sa huling 1:17 ng fourth quarter.

Pero dahil sa dalawang three pointer nina Justin Holiday at Chris Duarte sa huling 27.3 seconds ay naitabla ang score sa fourth quarter.

Nakontrol naman ng Los Angeles ang extra period, kung saan ay nalimitahan ang Pacers sa apat na puntos.

Leave a Reply

Your email address will not be published. Required fields are marked *