Legazpi Mayor Rosal, tiniyak ang suporta sa Palarong Bicol; PHP1M pondo, inilaan

LEGAZPI CITY – Tiniyak ni Legazpi City Mayor Geraldine Rosal ang kanyang suporta kasama ang buong lokal na pamahalaan sa gaganaping Modified Palarong Bicol, kung saan ang lunsod ang magiging host nito.

Sa panayam ng Brigada News FM Legazpi sa alkalde, sinabi niyang naglaan ng pondo ang lokal na pamahalaan ng lunsod na nagkakahalagang humigit-kumulang isang milyumpiso para sa nasabing sports competition.

Ang nasabing pondo ay gagamitin umano sa pag-improve ng mga playing venues o mga pasilidad para rito.

Sinabi pa ni Rosal, tuwing magkakaroon ng palaro sa rehiyon ay lagi na siyang sumusuporta lalo na’t maraming mga atleta sa lunsod ang mahuhusay.

Binigyang-diin din nito na karamihan sa playing venues ay gagawin sa lunsod, kung kaya’t nararapat lamang na ayusin ang mga pasilidad.

Sa ngayon ay patuloy din naman ang pag-iinspeksyon sa mga pasilidad upang matiyak na ang mga gagamitin ay maayos at walang problema sa araw mismo ng pagbubukas ng palaro.

Leave a Reply

Your email address will not be published. Required fields are marked *