LEGAZP CITY – Mataltag an Legazpi PNP nin duwang dugang na pulis sa eskwelahan sa Brgy. Gogon kan nasambitan na syudad.
Katakod ini kan nangyaring riot kasusaro harani sa Kalayaan Park kun sain imbwelto an grupo nin mga estudyanteng menor de edad.
Sa intrevista kan Brigada News FM Legazpi kay COP PLt. Col. Anthony Magdamit Villanueva kan nasambit na hepatura, sinabi niya na sa paaging ini masisyertong dai na mauutro an nangyaring insidente asin dai nang resbakan na mangyari.
Segun saiya, nagkauron naman sinda kan school’s superintendent kan imbweltong mga estudyante kung sain magkakaigwa nin forum.
Napag-orolayan naman ninda su boot an interbensyon na itatao para sa mga imbwelto.
Mientrastanto, pigsyerto pa ni Villanueva na an pagbugtak ninda ki mga pulis dai man makakaapektar sa normal nindang operasyon sa syudad.