LGU-Anini-y sa Antique, gin-istriktuhan ro hueag it mga turista

Para malikawan ro pagkalat it covid-19, gin-istriktuhan makarun it LGU-Anini-y sa probinsya it Antique ro paghinueag it mga turista ag bisita igto.

Sa Executive Order No. 17, Series of 2021, gin-istriktuhan ni Mayor Maxfil Pollicar ro hueag it mga turista sa sueod eamang it andang “declared itineraries and booking during their stay in the municipality.”

Nasayuran nga nagatinaas ro kaso it covid-19 sa Antique.

Ro probinsya hay sa idaeum it modified general community quarantine.

Sa pihak it pandemya, ro banwa it Anini-y hay owa nag shut down sa andang tourism sites sa domestic visitors.

Pero hugot ro pagpatuman it health protocols sa nasambit nga lugar.

As of May 5, nakalista eamang ro Anini-y it daywang active COVID-19 cases. / ANN DESLENE SALAZAR

Leave a Reply

Your email address will not be published. Required fields are marked *