LGU Camalig, mas papalakasin ang mga programa sa family planning at early pregnancy prevention

LEGAZPI CITY – Pinaplano ng lokal na pamahalaan ng Camalig na mas palakasin pa ang mga programang may kinalaman sa family planning at early pregnancy prevention sa bayan.

Ayon sa impormasyon, nilagdaan na ang MOA sa pagitan nila at ng Commission on Population (POPCOM) para sa pag-localize at pag-institutionalize ng population management.

Anila, mas papalakasin din umano nito ang mga programa pagdating sa usapin tulad ng maternal and child health at responsible parenthood.

Dahil din sa nakikita nilang pagtaas ng populasyon sa bayan, mahalaga umano ito sa pagsulong ng public health upang matiyak na ang bawat pamilya ay may prebilehiyo sa kinakailangang mga serbisyo at impormasyon sa kalusugan.

Binigyan din ng POPCOM ang Camalig ng health-related panels na maaaring gamitin sa pagsagawa ng IEC campaigns na may layong masolusyunan ang mga problemang kinakaharap ng iba’t ibang sektor sa lugar.