GIRE-ACTIVATE na sa local government unit (LGU) ang local price coordinating councils, dungan sa panagpulong sa mga opisyal sa siyudad ug opisyal sa national agencies sa GenSan.
Ang reactivation sa local rice price coordinating council ang human sa pagpagula og mandu sa lgu-gensan sa mga opisyal nga bantayan ang presyo sa bugas sa mga merkadong publiko.
Sa pamahayag ni Geraldine Zamora, labaw sa Business Permit and Licensing Division Office (BPLDO) sila kauban ang kapulisan ang miyembro sa local rice price monitoring council. Pipila sa mga miyembro mao ang City Agriculture Office (CAO) ug uban pang ahensiya sa gobyerno.
Gibutyag usab ni PCol. Nicomedes Olaivar Jr., OIC city police director sa GenSan City Police Office (GSCPO) sila ang motabang sa enforcement nga bahin sa kamanduan sa Pangulong Ferdinand Marcos Jr. Kahibaloan nga gipirmahan ni Pangulong Marcos Jr., executive order no. 39 asa gimandu ang price ceiling sa P41 alang sa regular-milled rice, ug P45 alang well-milled rice, kini ang mi-epekto atong Martes. I Richel Gubalani