LEGAZPI CITY – Mapadagos man giraray an pag-monitor sa Bulkang Mayon dawa pa pinauruli na an mga bakwit kan nakalihis na semana sa banwan kan Daraga.
Ini an pigsyerto kan Municipal Disaster Risk Reduction and Management Office (MDRRMO) kan nasambit na banwaan.
Haros oroaldaw kaya na naoobserbaran kan mga opisyales kan apektadong barangay an kadipisilan na naeeksperyensyahan kan mga evacuees partikular an mga estudyante.
Magigiromdoman, kan nakalihis na Sabado, pinauruli na an mga evacuees gikan sa mga barangay kan Mi-isi, Budjao, Banadero asin Matnog sa kusog kan kasuguan kan LGU.