LGU-GenSan nagpagawas og bag-ong E.O alang sa gihugtan nga border control

MIPAGAWAS na og bag-ong executive order ang LGU-GenSan, Abril 30 alang sa mas gihugtan nga border control.

Sa Executive Order 21, gitugutan lamang makasulod sa GenSan ang essential travel sugod sa  Mayo 1 hangtud Mayo 31,2021.

Tumong sa maong lakang nga mapugngan pa ang pagtaas sa kaso sa COVID-19 tungod na usab sa pagtaas sa kaso sa ubang mga lugar sa region-12.

Lakip niini ang biyahe sulod sa region-12 ug sa gawas sa rehiyon nga epektibo ang border control restriction.

Magpadayun gihapon ang biyahe sa public utility vehicles sa gawas sa GenSan alang sa mga adunay essential travel bisan pa sa gawas sa rehiyon.

Gipatuman usab ang point-to-point travel nga nagpasabot nga pwede lang mupasakay ug mupanaog og pasahero ang mga PUV sa city public transport terminal ug gina-require usab ang mga pasahero sa ilahang QR codes.

Apil sa EO ang mandatory nga pagpailalom sa 7-day quarantine alang sa tanan nga mga ROF sa mga barangay isolation units bisan pa nagnegatibo kini sa RT-PCR result.

Samtang kinahanglang usab na mupailawom sa 14-day quarantine ang mga adunay positive RT-PCR result.

Leave a Reply

Your email address will not be published. Required fields are marked *