IPANGANDAMAN na sa City Agriculture’s Office (CAO) ang long-term plan sa epekto sa El Niño sa mga mag-uuma. Ang pamahayag ni Merlinda Donasco, labaw sa CAO ang dungan sa pagpagula og kabalaka sa pipila ka mag-uuma sa posibleng epekto sa kalamidad.
Gisugdan na sa CAO ang information, education ug communication campaigns kalabut sa water leaks, rainwater harvesting ug storage. Aron makonhuran ang posibleng epekto sa El Niño sa mga pananum sa mga mag-uuma.
Giangkon ni Renan Rosalejos, mag-uuma sa Barangay San Isidro nga kung mo-grabeh ang epekto sa kalamidad. Posibleng i-abandona nila ang pagpanguma ug mamasahero og sikad isip alternatibong pangabuhian.
Dugang ni Donasco, gihimo na nila ang pagbag-o sa cropping calendar ug nananum og mga drought-resistant ug early-maturing seed varieties. Ang pagpangandam sa buhatan ang dungan sa mandu sa Department of the Interior and Local Government (DILG) Secretary Benhur Abalos sa mga local chief executive sa epekto sa El Niño sa ilang area.
Una nang, nagpagula ang PagAsa og El Niño alert human nakita sa forecasts nga moigo ang phenomenon sa sunod tulo ka bulan ug naa sa 80% nga posibilidad nga molungtad kini hangtud unang kwarter sa 2024. I Richel Gubalani