LEGAZPI CITY – Nakatanggap ng “PaNaTa ko sa Bayan Award” o Pagkilala sa Natatanging Kontribusyon sa Bayan Award ang lokal na pamahalaan ng Ligao City mula sa Department of Social Welfare and Development (DSWD) Bicol.
Ang parangal na ito ay ibinigay dahil sa matibay at walang sawang suporta ng LGU sa paghahatid ng mga programa at serbisyo ng ahensya.
Ito ay tinanggap ng ng alkalde ng nasabing bayan kasama ang namumuno sa CSWDO sa isinagawang pagdiriwang ng ika-72 na anibersaryo ng DSWD.
Ang nabanggit na parangal ay isa sa mga paraan ng tanggapan sa pagbibigay-pugay sa iba’t ibang mga indibidwal, organisasyon at lokal na pamahalaan na naging bahagi sa pagsuporta sa kanilang mga isinusulong na mga aktibidad.