MALAY, AKLAN—Ginaeauman it LGU Malay nga mas magsaka do tourist arrival sa isla it Boracay sa selebrasyon it San Juan de Bautista sa June 24,2021.
Raya hay bangud nga exempted do isla sa ginapatuman nga hugot nga implementasyon it MGCQ protocols sa probinsya.
Nauna eon nga ginpahayag ni Malay acting Mayor Frolibar Bautista nga mag-eowas nga tourist destination do Boracay hay puro negatibo man sa COVID-19 do mga nagasueo-eod nga bakasyunista bangud nga sambilog sa mga requirement bago makatapak sa isla hay do negative RT-PCR test.
Samtang sa pihak nga parte, base sa datos it Malay Tourism Office, nagaabot eon sa 17,078 do mga turistang nagbakasyon sa Boracay umpisa ku Hunyo 1 hasta ku 21, 2021 kung siin gindomena raya it mga turistang halin sa National Capial Region (NCR). // SHERRY ANNE REUNIR-VIDAL