LEGAZPI CITY – Nais ng lokal na pamahalaan ng Pio Duran, Albay na ipatawag ang Albay Electric Cooperative (ALECO) upang mapag-usapan na ang matagal na nilang pinoproblema na mababang boltahe ng kuryente na nakakaapekto sa supply ng tubig lalo na sa mga kabahayan.
Sa panayam ng Brigada News FM Legazpi kay Romulo Bulalacao, Admin Assistant 1 at OIC ng Pio Duran Water System Services, sinabi niya na dahil dito’y naghain na ng resolusyon ang Sangguniang Bayan na ipatawag ang nasabing kooperatiba.
Apektado na kasi ang mga residente dahil kahit pa sapat na ang supply ng tubig sa bayan, hindi rin magamit ang water pump upang mai-dsitribute sa mga kabahayan dahil sa mababang boltahe ng kuryente.
Samantala, sinabi naman ni Bulalacao na patuloy ang ibinibigay na asistensya ng lokal na pamahalaan upang kahit papano’y maibsan ang problema ng mga residente.