LGU Sarangani padayong nigasto og dako sa pagpahigayon og walay hunong nga antigen swab testing apan sulit ang resulta

Sulit matud pa ang resulta taliwala nga padayong nigasto og dako ang LGU Sarangani sa pagpahigayon og walay hunong nga libre nga Antigen swab testing gikan pa niaging bulan sa Mayo pagsugod sa hilabihan nga pagtaas sa numero sa mga nangatakdan og COVID-19 sa Rehiyon Dose.

Gumikan hangtud ning tungura, nagpabilin ang Sarangani Province, sa bendisyon sa Kahitas-an, nga adunay pinaka-ubos nga kumpirmadong kaso sa entiro Region 12. Sarangani usab ang nagpabilin nga adunay pinaka-gamay nga namatyan nga konektado sa Coronavirus.

Gihingusgan nang daan ni Governor Steve Chiongbian Solon nga bahalag mugasto og dako ang LGU Sarangani, sa pag-ayuda sa nasyonal nga gobyerno ug ka-munisipyuhan. Ang importante matud pa nga paspas ma-test ang gi-suspetsahan nga tao para paspas pud ma-isolate aron dili makapanakod una pa man mugawas ang resulta sa RT-PCR confirmatory swab test, ug hinanali usab kining matambalan una mabalik sa pamilya.

Anaa sa P450 hangtud P750 ka pesos ang kantidad sa usa (1) ka rapid Antigen swab test kit depende sa brand niini. As of October 24, nakagamit na ang Sarangani og 71,326 kabuok Antigen swab test kits pinaagi sa provincial ug municipal diagnostic and testing support teams nga nagalibot-suroy sa entiro Sarangani Province.

Leave a Reply

Your email address will not be published. Required fields are marked *