Libo-libong mga kabahayan sa Guam, walang suplay ng tubig at kuryente kasunod ng pananalasa ng Super Typhoon Mawar

LIBO-LIBONG mga kabahayan at establisyemento  ngayon sa Guam ang walang suplay ng kuryente at tubig matapos ang pananalasa ng Super Typhoon Mawar.

Naramdaman ang lakas ng bagyo nitong Miyerkules kung saan isinailalim ng Meteorological Agency ng bansa sa Hurricane Category 5 ang naturang bagyo.

Taglay ang lakas ng hanging aabot sa 241 kph, nagawa nitong patumbahin ang mga puno, poste at mga kawad ng kuryente maging ang mga kabahayan.

Sa datus na iniulat ng local media, nasa 52,000 na mga kabahayan ang walang kuryente at suplay ng tubig; 970 mga residente ang pansamantalang nanunuluyan sa shelter .

Ilang mga minor injuries naman ang naitala habang walang na i-rekord na casualties o nasawi sa pananalas ang bagyo sa naturang bansa.

Samantala sinabi naman ni Landon Aydlett ng National Weather Service, ito na umano ang pinakamalakas na bagyong tumama sa Guam mula noong nakaraang 2002 kung saan isinalarawan nito ang kalamidad na umano’y katulad ng pelikulang “Twister”. | JUMEL DELA ROSA

Leave a Reply

Your email address will not be published. Required fields are marked *