LEGAZPI CITY – Nag-opresir nin libreng sakay an hepatura nin pulisya sa Guinobatan, Albay katakod kan nationwide transport strike.
Ini makalihis na magsabay an nagkapira sa mga operators o drivers kan lugar sa tigil-pasada partikularmente na an GUILEJODA na may byaheng Guinobatan-Legazpi (vice versa).
Gamit an patrol o mobile kan hepatura nagpasakay sinda asin naghatod nin mga commuter na wara nin masakayan pasisiring sa saindang destinasyon.
Sa ngunyan, dai nakakasiguro an mga operator asin driver sa Albay na nagsabay sa strike kun kakayanon ninda an dai pagbyae sa laog nin tulong aldaw, alagad sa ibong na lado naka-standby man an pwersa kan gobyerno nganing sigurhon na wara nin maiistranded na pasahero.