Ma-eksperiensyahan eon ro Libreng Volleyball Experience (Grassroots Development Program) iya sa banwa it Kalibo.
Nag umpisa raya ku July 3 sa Bliss Covered Court it Brgy. Poblacion Kalibo, Aklan ag magabuhay raya hasta July 31, 2023.
Ro mga coaches nga taga Kalibo nga nakapasa bilang National Coach sa katatapos eamang nga Philippine National Volleyball Federation Coaching Certificate Course nga ginpatigayun sa Tamasak Arena Barotac Nuevo sa probinsya it Iloilo ro nag-facilitate sa mga pamatan-on nga gustong magkantigo it volleyball.
Sa mga gustong mag intra sa libreng volleyball experience hay pwedeng mag agto sa Bliss Covered Court kada Lunes, Miyerkules ag Biyernes it alas 8 hasta alas 11 it agahun ag Martes ag Huwebes halin it ala una hasta alas 4 it hapon. // ANN DESLENE SALAZAR