LEGAZPI CITY โ Nagsagibo nin pag-orolay an LGU Daraga asin Albay Electric Cooperative Inc. (ALECO) manungod sa ”lifeline rate discount” para sa mga miyembro nin Pantawid Pamilyang Pilipino Program (4Ps) sa banwaan.
Segun kay Mayor Awin Baldo, obheto kaining matukar nin mas ararom an programa asin malinawan an mga residente kan banwaan dapit sa magigin proseso kaini.
Dugang pa digdi an paglatag kan mga rekisitos tanganing dai na magbutwa pa an problema.
Mientrastanto, saro sa mga pigtataong tabang para sa mga low income member consumer owners kan Department of Energy (DOE) kun sain an kunsumo kan matatawan nin asistensya, dai dapat suboot maglagpas sa 25 kWh kada bulan.
Sa ngunyan, an magigin diskwento kan mga benipisyaryo, nakabase sa konsumo kun sain 50% para sa mga nag-aabot sana nin 1-20 kWh, 40% sa 21kWh, 30% sa 22kWh, 20% sa 23kWh, 10% sa 24kWh mantang 5% sa mga nag-aabot an konsumo sa 25kWh.