Lima ka NPA nga naglakip sa high ranking leader patay sa engkwentro sa Bohol

Patay ang gituohang lima ka mga sakop sa New People’s Army nga naglakip sa usa ka taas og ranggo sa maong Communist Terrorist Group atol sa panag engkwentro tali sa tropa sa 47th Infantry Battalion sa Barangay Cabacnitan, Bilar, Boholkaganihang buntag.

Kini human nga ang kasundaluhan mipabigayon og combat operation subay sa report nga ilang nadawat labot sa giingung plano sa NPA nga pagpahigayon og liquidation sa government supporters ug government personalities.

Didto ilang naengkwentro ang giingung 11 ka armadong membro sa communist-terrorist group.

Nakuha sa dapit diin nahitabo ang engkwentro ang duha ka M16 rifles; lima ka 45 caliber pistols; usa ka bandolier; tulo ka short magazines sa M16 nga adunay 30 rounds sa mga bala; unom ka cellular phones; usa ka laptop; usa ka granada; usa ka hand-held radio, ug nagkadaiyang dokumento nga adunay high intelligence value.

Usa sa nakalas gituohang Vice Commanding Officer sa SYP Platoon sa Bohol Party Committee.

Base sa report sa 47IB, giingung nakaikyas ang ubang kaubanan sa maong mga rebelde.

Giingung usa ka babaye ug upat ka lalaki ang  namatay sa grupo sa mga NPA apan padayon pa nga gisuta ang tinuod nga mga pangalan niini.Samdan usab ang usa ka sundalo atol sa engkwentro apan giingung wala nay angayang nga kabalak an ang kahimtang niini sa tambalanan sa Tagbilaran City.

Mapasigarbuhon usab sa maong malampuson nga operasyon, si Major General Eric C Vinoya,  Commander sa 3rd Infantry (Spearhead) Division ug gipasalamatan ang katawhan sa maong lugar ug Local Government Units ingun man Local Chief Executives ug giawhag kini sa pagtaho gilayon kung adunay mga mamatikdan nga kalihukan sa mga tawo nga wala mahisubay sa balaud sama sa kalihukan sa mga walhong grupo.

Leave a Reply

Your email address will not be published. Required fields are marked *