Lineman it CAPELCO, patay matapos makuryente

TAPAZ, CAPIZ—Patay do sangka lineman it Capiz Electric Cooperative (CAPELCO) matapos makuryente samtang nagaayos it poste sa Brgy. Malitbog, Tapaz, Capiz.

Ginkilaea do biktima nga si Regie Argañosa, 27 anyos ag residente it Brgy. San Antonio sa nasambit nga banwa.

Base sa report, posibleng nabuytan it biktima do live wire samtang nagapatigayon it pag-trouble shoot sa poste nga naging dahilan para makuryente raya.

Insigida man nga gindaea do biktima sa Tapaz District Hospital apang gindeklara raya nga dead on arrival (DOA) i doctor.

Nasayuran nga brownout sa nasambit nga lugar kat natabo do insidente. // SHERRY ANNE REUNIR-VIDAL

Leave a Reply

Your email address will not be published. Required fields are marked *