GIPROSESO na sa Office of the Senior Citizens Affairs (OSCA) ang tanang listahan sa mga tigulang nga magsaulog sa ilang adlawng natawhan karong bulan sa Enero 2023.
Kini aron sila ang makadawat og P2,000 nga birthday cash gift. Matud ni Josephine Mendoza labaw sa OSCA padayon nilang gi-verify karon kung pila ang ihap sa mga tigulang nga magsaulog og birthday matag bulan kay dunay pipila nga mipanaw ug naa usab pangalan nga nadugang sa listahan.
Gipaningkamotan niini nga sa takdang birthday sa mga Senior Citizen mahatag ang maong cash gift tungod kini ang makapalipay kanila.
Han-ay na matud pa ang pondo alang niini nga gikan sa LGU-GenSan. Ang tanang makadawat nakadependi sa final list nga isumite sa mga focal person sa senior citizen sa matag Barangay. Sa karon wala pay gipagawas nga iskedyul ang OSCA alang sa unang hugna sa releasing sa maong kantidad. I Enamie Mogpon