Lokal nga gobyerno it Aklan, uwa pa it pinal nga desisyon angot sa selebrasyon it Ati-atihan Festival

Presente nga uwa pa it pinal nga desisyon ro lokal nga gobyerno it Aklan kung aprubado ro pagselebrar it Ati-atihan Festival.

Ro nasambitan nga selebrasyon hay sikat sa kalibutan ag may meain-eain nga bersyon ro pila ka mga munisipalidad it Aklan sa Ati-atihan Festival.

Sa pihak it padayon nga pagbakuna sa probinsiya, nagapabilin nga banta gihapon ro COVID-19 virus, kapin pa sa mga tawo nga uwa nabakunahan.

Sa presente, may 180,507  ka mga indibidwal o 42.21% it eligible population sa Aklan ro fully vaccinated eun, base sa datos it Regional Vaccination Operations Center.

Ro mga banwa it Lezo, Batan, Makato, Malinao, Altavas, Ibajay ag Boracay Island sa Malay hay may sarili nga bersyon it Ati-Atihan Festival it Kalibo; pero bisan pa nga nagluwag eun ro mga ginapatuman nga mga restrictions, mabahoe man gihapon ro posibilidad nga indi pagpasugtan ro tradisyunal nga pagsina-ot sa kalye.

Dugang pa it lokal nga gobyerno, indi nanda pwde nga isakripisyo ro kaayuhan it eawas it publiko. Ro pagselebrar it Ati-Atihan hay pwede maging rason nga mas magkaeat ro COVID-19 virus sa probinsiya./JIL B. LACSON