Lokal nga gobyerno it Malay, ginbatikos bangud sa kakulangan it konsultasyon sa publiko

Ginbatikos it pila ka mga indibidwal ro kakulangan it pampubliko nga konsultasyon it local government unit (LGU) it Malay, Aklan sa pagpasugot sa mga kaiping nga mga kabanwahan sa pagpilak it andang mga basura sa sanitary landfill it nasambitan nga banwa.

Ku Nobyembre 11, 2021 nagpirma sa kasugtanan ro Malay acting mayor kaibahan ro mga alkalde it Nabas angot sa pagpilak it andang mga basura sa landfill it Malay.

Kaangot dikara, ginbatikos it pila ka mga indibidwal ro uwa it konsultasyon sa publiko ag komunidad it Malay LGU sa andang pagdesisyon.

Ginpahayag man nanda ro posible nga maeain nga epekto it pagpilak it mga basura sa kaeawasan it mga residente it Barangay Cabulihan ag ro banta kara sa palibot./JIL B. LACSON