Lola mibalibad nga ibaligya ang kabaw, gipusil

Duha ka samad pinusilan ang naangkon sa usa ka lola human mibalibad nga paliton ang iyang kabaw sa Purok 10, Brgy Poblacion, Magsaysay, Davao del Sur niadtong milabayng gabii.

Sa report sa Magsaysay Municipal Police Station giila ang biktima nga si  Tedora Chavez, usa ka senior citizen sa nasangpit nga lugar.

Sumala pa sa imbestigasyon nga hipuson na unta sa lola ang iyang kabaw nga gitugway sa dihang giduolan kini sa wala mailang lalaki og didto gipanguta kong baligya ba ang iyang kabaw.

Mibalibad matud pa ang lola og didto kalit na lamang miibot og armas ang suspek dayon pusil makaduha sa walang bahin sa tiyan sa biktima.

Paspas misibat ang suspek samtang ang kapolisan giimbestigahan na kini aron maila og madakpan. BNFM-Davao

Leave a Reply

Your email address will not be published. Required fields are marked *