Lola nga napalgang patay sa CDO river. wala pa maila!

Subling nanawagan karon ang kapulisan ngadto sa mga nawad-an og miyembro sa pamilya nga modalikyat sa Bollozos Funeral Homes aron susihon ang usa ka lola nga napalgang patay ug naglutaw sa Cagayan de Oro River, kagahapong adlawa.

Sumala ni Police Staff Sergeant Jessrel Quinatadcad, sa Carmen Police Station 4 nga modalikyat lang sa ilang buhatan aron sa pag-ila sa biktima nga nakit-ang patayng nga naglutaw sa suba sakop sa Zone 4, Pasil, Lurono Compound, Barangay Kauswagan ning syudad.

Una nang gibutyag sa mga otoridad nga walay nakit-ang foul play sa kamatayon sa babae nga gibana-banang nag-edad og 60-anyos; mga 5’1’’ ang height; niwangun; nakasuot og sleeveless nga white and black color combination; naka-Pajama og white and red color combination; dunay wedding ring sa middle finger sa wala nga kamot; bulaw ang buhok ug midyu dunay deperensya ang wala nga bahin sa iyang mata.

Sa karon, mokabat na matud pa sa unom ka indibidwal ang midalikyat sa nahisgutang punerarya apan pabiling wala gihapon maila ang biktima nga gituohang nalumos.