Lolo gin-eabu it kaparehung senior bangud sa bibe

Gin-eabo ro sangka lolo matapos kara nga boe-on ro lambat nga nagaserbing kurae sa andang ginabantayang mga alagang bibe sa Brgy. Morales, Balete, Aklan.

Ginkilaea ro biktimang si Wenifredo Quinicio 66yo it Sitio Agsalay it nasambit nga barangay, samtang ginkilaea ro suspek nga si Bertito Morales 74yo it Sitio Lapnag it nasambit nga barangay.

Sa report, samtang nagahugas it anang siki ro biktima hay nakibot raya kat gulpi imaw nga eabuon sa abaga ag butkon it suspek.

Nagbaeos man ro biktima ag gin-eampusan kara it pala ro suspek nga inigu sa uyahon ag tiyan.

Parehung dinaea ro biktima ag suspek sa ospital samtang nataeana nga pasakaan it kaso ro suspek it frustrated murder. / ANN DESLENE SALAZAR

Leave a Reply

Your email address will not be published. Required fields are marked *