Lolo gipatay samtang naglingkod sa iyang payag

Patay na sa dihang naabtan ang usa ka 62-anyos nga lolo human gipusil samtang anaa kini sa iyang payag sa Barangay Gubatan, Maco, Davao del Oro kagahapon sa hapon.

Sa report sa Maco Municipal Police Station giila ang biktima nga si Hilario Mirantes, mag-uuma nga residente sa purok 3 sa nasangpit nga barangay.

Sumala pa nga naglingkod ang biktima sa dihang miabot ang duha ka lalaki nga nangayo pa og katahuran sa lolo apan kalit na lamang kining gipusil makadaghang higayon hinungdan sa iyang kamatayon.

Ginaimbestigahan na karon ang nasangpit nga krimen aron maila ang mga suspek. BNFM-Davao

Leave a Reply

Your email address will not be published. Required fields are marked *