GIHIMONG baligyaanan og isda ang Lower Langcangan Highway ning dakbayan sa Oroquieta, diin ubay-ubay ang mga negosyante ang anaa maninda sa kilid sa naasoy nga dalan.
Dako ang kapagdismaya sa pipila ka mga negosyante nga mibayad og saktong buwis sa gobyerno, diin gihatagan kini og pwesto sa sulod sa Merkado Publiko, apan hinay ang halin tungod sa mga negosyante nga naninda sa mga kadalanan sa dakbayan, nga dedto diretsong mamalit ang mga katawhan ilabina ang mga nagdali.
Tungod sa nagkadaghan nga mga naninda sa gawas, nakahukom ang pipila nga sa gawas nalang pod sila maninda, tungod kay gilekramo na kini sa kadaghanan, apan dugay matud pa ang aksyon nga gibuhat sa kagamhanan, diin imbes nga mapaubsan ang mga naninda sa gawas mas nanaghan man hinoon kini, og pipila wala pa’y buwis nga gibayaran.
Hangyo sa pipila nga unta, hatagan kini og hinanaling aksyon aron patas ang pagpanginabuhi sa tanan, diin moagi sa saktong proseso sa pagpamaligya.(Jean Ruben)