LTFRB-12 nagpahinumdom sa pick-up points sa mga bus

GIKLARO sa Land Transportation Franchising and Regulatory Board (LTFRB) 12 nga angayang sundon sa mga buses ang gitakda nilang loading ug unloading points sa rehiyon.

Kini aron masiguro nga luwas ang mga pasahero dungan sa nahitabong pagpamomba sa pipila ka unit sa bus kaniadto. Gipatu man sa otoridad ang ‘framework’ sa mga public transportation hubs ug terminals tumong pugngan ang posibleng pagsubli sa hitabo. Matud ni Paterno Renato Padua, director sa LTFRB-12 ugaling dunay magpaabot og reklamo kanila nga pasahero.

Kalabut sa pagpick-up sa bus og pasahero sa dili designated area sa loading show cause order ang itubag niini sa ahensiya.

Miapela usab si Reymond Ledesma, Bulaong terminal administrator sa GenSan sa mga operator labi na sa mga bus nga likayan ang pagpick-up og pasahero sa dili loading points. Ang estriktong pagpatuman sa loading points ang dungan sa insidente sa pagpamomba sa usa ka unit sa Yellow Bus Line (YBL) sa Tacurong City atong Nobyembre 6, 2023.

Ang hitabo ang nagbilin og usa ka patay ug 11 ka samaron, ang gituohang nagbitbit sa eksplusibo nga nagbilin usab niini ang napick-up sa bus sa usa ka lugar sa rehiyon. Gawas sa insidente atong 2022, pipila ka insidente sa IED attacks ang nahitabo nakalabay’ng mga tuig. I Richel Gubalani