Ginpatpat sang Land Transportation Franchising and Regulatory Board (LTFRB) – Region VI kun ano ang kaundan sang memorandum circular 2023-038 nga ginpasar sang Setyembre 5 kag nangin epektibo sang September 9, 2023 nahanungod sa fuel subsidy sang drivers and operators sa bug-os nga pungsod.
Sa interview sang Brigada News FM Roxas City kay Atty. Salvador Altura Jr., tagpamaba kag Hearing Officer sang LTFRB – Region 6, iya ginpahayag nga ang nasambit nga memorandum nagapahibalo sa publiko nga sa general appropriations act 2023 may gin-alukar nga P3 bilyon ang gobyerno agud ipanagtag bilang fuel assistance.
Sandig sa ila datos, ang amo nga fuel subsidy nagakober sa tanan nga denomination sang public transport kun sa diin diri sa Western Visayas may yara sang kabug-usan nga 14, 029 nga mga authorize unit nga qualified sa fuel subsidy kag ini ang ginpasa sa central office kag tubtob subong wala pa nakabalik sa ila ang listahan nga gin-aprubahan.
Dugang pa sini, posible nga makabaton na sang ayuda ang mga benepisaryo nga may mga aktibo nga fuel subsidy cards kag ang nasambit nga assistance ang para sa inugbakal sang produktong petrolyo.
Ginpahayag man sini nga wala siya sang ideya kun san-o ihatag ang fuel subsidy sa mga operators sa Western Visayas ang himuon lang suno diri amu ang pag-contact sa Land Bank of the Philippines sa designated nga lugar. | Judy Ann Juare