LEGAZPI CITY – Nagkondusir nin upskill training an Land Transportation Office (LTO) Bicol sa mga Traffic Adjudicators sa syudad nin Legazpi.
Pinangenotan ini ni LTO Bicol Regional Director Francisco Ranches, Jr. na kinondusir sa sarong function hall sa syudad.
Naglalaom si Ranches na sa pagtapos kan training, preparado na sinda sa paghampang sa mga motorista na tatawan nin penalidad en kaso madakop na nagbabalgar sa ley kan trapiko.
Obheto kan aktibidad na i-level-up an mga kasanayan asin pararumon an kaaraman sa Traffic Adjudication.
Sinabi man ni Assistant Regional Director Vincent Nato an mga paradakop, dae dapat matakot kundi panindugan an saindang piggigibo.
Kabale sa mga pinag-orolayan an manungod sa pagklaro kan ley na may kinaaraman sa transportasyon, bagong ikedyul asin mga penalidad, asin mga colorum.