Nakighinun-anon si LTO Roxas City District Office Chief Maria Lourdes Casipe kay Roxas City Mayor Ronnie Dadivas nahanungod sa reklamo sang pila ka tricycle franchise holders sa syudad.
Ini ang ginpalab-ot ni Councilor Rey Magallanes, Chairman Committee for Transfortation ang problema sa talatapan ni Mayor Dadivas matapos nga madamo sang mga tricycle drivers ang nagareklamo sang pagkadelay sang ila mga papeles sa talatapan sang LTO-Roxas City rason nga indi nila marenew ang ila nga prangkisa.
Ginpahayag dire sang LTO Chief ang mga rason kun ngaman nagakadelay ang ila pag-release sang mga papeles bangud man nga ang iban sa mga tricycle drivers/owners ang nagbaylo na sang unit kag may yara sang ginatawag nga transition period kag ini ang normal lamang.
Nagpasalig man ang LTO nga handa sila mag bulig kag solosyonan ang ginapaligban sang mga tricycle franchise holders sa pagrenew sang ila mga prangkisa. | Judy Ann Juare