Lumulupyo ug opisyal sa purok 22, Fatima nakuratan sa impormasyon nga adunay natambuanan ug nidahili nga yuta sa ilang dapit

NAKURATAN ang pipila ka mga lumulupyo sa Purok 22, Sunrise, Barangay Fatima sa balita nga adunay natabunan ug nidahili nga yuta sa usa ka compound sa ilang dapit.

Sumala kay Nonito Salomon nga wala gayud sila nahibalo kon adunay nagahimo og bangag para sa treasure hunting sa ilang purok gumikan usa kini ka residential area.

Ginakumperma usab niini nga sa compound sa iyang ninong sa kasal nga si Pator Teody Mampawa ang lugar nga nahitaboan apan wala siya makaila sa pangalan nga Agapito Daanoy.

Sumala usab sa number one Purok Kagawad nga si Reynaldo Templado wala usab siya nasayod ug ulahi na siya sa impormasyon, gumikan niini nagapanawagan si Templado sa ilang mga sakop nga dili na maghimo og bangag luwas kung alang kini sa pansayan kay humok ang yuta sa ilang purok aron malikayan ang susamang panghitabo. I Ver Diazon

Leave a Reply

Your email address will not be published. Required fields are marked *