Magiging maaliwalas ang panahon sa malaking bahagi ng bansa ngayong araw ng Lunes.
Ayon sa PAGASA, makakaapekto ang Northeasterly Surface Windflow sa Northern at Central Luzon.
Sinabi din ng weather bureau na mararanasan ang bahagyang maulap hanggang sa maulap na papawirin na may tyansa ng pulo-pulong pag-ulan sa Metro Manila at sa nalalabing bahagi ng bansa.
Nagbabala naman ang PAGASA na may tyansa pa rin na magdulot ng baha at landslides ang mga biglaang pag-ulan.
Maglalaro naman sa 26.6 hanggang 33.4 degrees celcius ang agwat ng temperatura sa malaking bahagi ng bansa.