GIMANDU na ni Police Brig. Gen. Jimili Macaraeg, regional director sa Police Regional Office (PRO-12) ang pagpalawom sa imbestigasyon.
Sa nahitabong pagpusil-patay sa kapitan sa Barangay Mindupok, Maitum, Sarangani Province atong Domingo. Matud ni Macaraeg, gimandu na niya sa provincial director sa Sarangani Provincial Police Office (SPPO) nga si Col. Nicomedes Olaivar, ang paglusad og imbestigasyon.
Tumong masuta ang motibo sa labing ulahing pagpatay sa elected official sa maong munisipalidad. Giangkon ni Macaraeg nga taas na ang listahan sa ‘political atrocities’ sa nahisgotang lugar. Dugang sa opisyal nga gipaniguro nila ang paghatag og hustisya sa pagpatay kang Tonisa Sarudin. I Richel Gubalani