Macaraeg, nanawagan sa nabiling sakop sa NPA sa pagtahan dungan sa pagkamatay ni Joma Sison

NANAWAGAN ang labaw sa kapulisan sa nabiling sakop sa Communist Terrorist Group (CTG) sa pagbalik na sa sabakan sa gobyerno.

Kini dungan sa pagkamatay sa founder sa Communist Party of the Philippines (CPP) nga si Joma Sison. Matud ni Brig. Gen. Jimili Macaraeg, regional director sa Police Regional Office (PRO-12) ang mga una nang misurender ang nagpadayag og pagkadismaya sa maong grupo.

Asa gikaengong sa mga nasangpit ngadto sa otoridad nga nalinla sila sa pasalig sa grupo hinungdan sa pagsampa. Tungod usab sa kahadlok, sila ang mibalik sa sabakan sa gobyerno, dugang ni Macaraeg.

Nagsaad ang mga mitahan nga dili na mobalik sa grupo ug dili na magpalinla sa saad. Sa kinatibuk-an, naa sa 183 gikaengong aktibong miyembro sa grupo ang mitahan samtang naa sa 113 nagkadaiyang kalibre sa armas, bala ug eksplusibo ang gisurender.

Giangkon ni Macaraeg nga dako og tabang ang pagmugna sa Regional Task Force End Local Communist Armed Conflict (RTF-ELCAC) nga gihimo ang whole of nation approach aron tuldukan ang insurhensiya. Dugang sa opisyal karon nga namatay na atong Desyembre 16,2022 sa ospital sa Netherland si Sison, tyansa na kini sa nabiling sakop nga mobalik sa sabakan sa gobyerno. I Richel Gubalani

Leave a Reply

Your email address will not be published. Required fields are marked *