Maestra sa Boracay, tinakawan; P100k ro balor it tinakaw

Sinueod it owa pa nakilaea nga manakaw ro baeay it sangka maestra sa may Yapak Proper sa isla it Boracay ku Mayo 31 sa kasagsagan it mabaskug nga uean.

Sa interview it Brigada News FM Kalibo kay Mrs. Hazel Bandiola, hapon eon imaw nakauli it adlaw ngato pero owa segun imaw it nakitang forcible entry sa andang baeay ag bukon man it magamo.  

Pero makataliwan ro pilang oras hay nadiskubrehan nana nga naduea ro anang cash box hasta sa nasayuran nana nga maabu eon gali nga naduea sa anang gamit.

Kaeakip sa mga tinakaw kay Bandiola hay sangka gold necklace, red cash box nga may sueod nga dollar bills amounting to 300 US Dollars (small bills nga tig 1 dollar) ag 28k pesos cash, bank book ag iba pang importanteng documents.

Tinatayang nasa P100k ang kabuuang halaga ng lahat ng natangay sa naturang guro.

Sa makarun hay padayun ro imbestigasyun it mga otoridad sa insidente ag kung sin-o ro responsable sa natabo nga pagpanakaw. // ANN DESLENE SALAZAR