Isa ka patay’ng lawas sa mag-uuma ang napalgan sa kasagbotang bahin sa Barangay Durian, Las Nieves, Agusan del Norte sa nakalabay’ng hapon.
Giila ni Police Colonel Martin Gamba, ang Provincial Director sa Police Provincial Office (PPRO) Agusan del Norte ang biktima nga isa ka Julius Jaliasgo Lamay, 30 anyos, dunay kapuyo, mag-uuma, residente sa Purok 6 sakop sa maong barangay.
Nigawas sa imbestigasyon, nananghid matod pa ang biktima sa kapuyo nga manghinlo sa gitikad nga yuta, apan wala na kini nakabalik hangtod napalgan na lamang kining patay.
Sa gihimong paghiling sa lawas sa biktima, duna kini samad nilubaan ug gihiktan pa og wire ang li-og nga posibleng maoy hinungdan sa kamatayon. Padayon pang giila sa kapulisan sa Las Nieves Municipal Police Station ang mga responsable aron manubag sa salaud nga nahimo