LEGAZPI CITY – Durante kan pagruso kan mga tawong nagbibirisita sa kampo santo, dai na napugulan magkaigwa nin magabat na bulos nin trapiko kasobanggi partikularmente sa may Legazpi City Public Cemetery sa Brgy. Bonot.
Alas 5:00 nin hapon kasuudma kan magpuon nang mag-arabutan an mga nagbibirisita asin tulos ining nagkaparano.
Apwera digdi, igwa man na misa na saro pa sa uminambag kan pagdakol kan mga tawo.
Mientrastanto, presente kasobanggi an mga personahe kan Legazpi City PNP, Public Safety Office asin mga personahes man kan iba pang law enforcement units nganing mamanehar an pagralaog kan mga tawo asin an trapiko sa lugar.