Nagpasaeamat sa BRIGADA News FM Kalibo ru magmaeanghod nga Leonora ag Juaquin Morales matapos magka estorya sa video call pinaagi sa pag connect it BRIGADA News FM Kalibo.
Sa interview irt BRIGADA News FM Kalibo kay Tatay Juaquin Morales, 85 anyos it Brgy. Tambu-an, Malinao, naduea eon ru anang pag-asa nga magkililita sanda ku anang maguwang nga si Leonora rason nga ana lang gin pamisahan sa simbahan.
Uwa gid imaw ga expekta nga may mag connect kanda nga magka estorya apisar nga limog eang ru nababati-an hay ru tunga nga kahidlae hay napun-an it kalipay dahil buhi pa ru anang magueang.
Makabig nga buddy sanda sa tanan nga butang dahil magkasunod nga gin unga ag sanda lang 2 ru buhi nga nabilin sa 5 mag maeanghod.
Kun matandaan, nagpangyo it bulig pinaagi sa BRIGADA FB page ru unga ni Leonora nga si Connie Marmoleno , sangka OFW naga trabaho sa Kwait.
Matapos nga may sangka netizen ru nagturo sa kinahamtangan ni Tatay Juaquin hasta nga nacontact ni Connie ru pamilya ag gin paestorya ru magmaeaghod nga Leonora ag Juaquin Morales pina ag isa video call.
Handum pa ni Tatay Juaquin nga maga kilita sanda ni Nanay Leonora bago pa man sanda maduea sa ibabaw it kalibutan.