Patay ang top 1 Regional Level drug personality human misukol sa kapulisan atol sa gikasang drug buy bust operation sa mga operatiba sa Sta. Ana, mga personahe gikan sa PDEA Office 11 ug NBI Office 11, samtang arestado ang asawa niini sa Purok 4, Isla Verde, Quezon Boulevard, Brgy. 23-C, ning syudad sa Davao.
Ang napatay nailang si Norhan Dibaratan Monib alyas “MINA” ug nadakpan ang asawa niini nga si Darlene Monique Saines Monib.
Narekober sa posisyon sa mga suspek ang gituohang shabu nga mutimbang sa 55 gramos ug dunay Standard Drug Price nga Php 374,000.00. Samtang, balhug na sa bilangguan ang asawa niini ug mag-atubang sa kasong paglapas sa RA 9165 kon Comprehensive Dangerous Drugs Act of 2002