Dakong buhi nga nalandig sa balay tambalanan ang duha ka magtiayon human kini gitigbas sa ilahang kaugalingon nga mga paryente didto sa Sitio Lasga, Brgy Bago, Tayasan, Negros Oriental.
Giila sa mga kapulisan ang mga biktima nga sila si Bebaz Dayapan, 57 anyos,menyo ug Emma Dayapan, 44 anyos, menyo, puro taga Brgy. Bago, Tayasan, Negros Oriental. Samtang giila usab sa kapulisan ang mga suspetsado nga paryente sa mga biktima nga sila si Jondy Dayapan Romano,43 anyos, ulitawo ug Jander Dayapan Romano, 27 anyos, menyo ug Celestiano Romano, 70 anyos, parehong mga residente sa maong lugar.
Sa inisyal nga imbestigasyon sa kapulisan sa TAYASAN PNP, nga naka inom og ilimnong makahubog ang mga suspetsado dayon nisulong kini sa balay sa mga biktima diin gipangduggab ug gitigbas nila ang ilahang kaugalingon nga paryente sa walay igong rason, nga maoy hinungdan nga naka angkon ug samad tinigbasan ug dinunggaban sa nagkadaiyanag parte sa lawas ang mga biktima.
Dali nga gidala sa balay tambalan ang duha ka magtiayon nga biktima alang sa medical nga intention samtang ang mga suspetsado ang detinado na sa kustodiya sa kapulisan sa TAYASAN PNP diin pasakaan kini og tukmang kaso.///Rennier ARACO Jr