Mahigit 100 pamilyang inilikas dahil sa pagbaha sa Quezon, nakauwi na- MDRRMO

Nakabalik na sa mga tahanan ang 137 pamilyang inilikas noong bisperas ng pasko dahil sa naranasang pagbaha sa mga barangay ng Quezon, Palawan.

Ayon kay MDRRM Officer Eden Cascara, ang mga inilikas noong ika- 22 ng Disyembre ay nakabalik na nitong Sabado matapos humupa ang tubig baha sa kanilang mga bahay.

Sinabi ni Cascara na binaha ang barangay Quinlogan at Panitian sa bahaging sur habang sa Norte ay nakaranas ng pagbaha sa Barangay Maasin, Isugod at Aramaywan sa norte noong nakalipas na Biyernes.

Gayunpaman, wala naman naitalang nawala o lubhang nasaktan sa pagbaha maliban sa maglo-lola na sinaklolohan noong Sabado sa Barangay Quinlogan matapos silang matangay ng rumaragasang tubig baha.