BICOL—Inihayag ni Department of Social Welfare and Development (DSWD) Bicol Regional Director Leo Quintinilla na umaabot na sa mahigit 10,000 na family food packs ang kanilang naipamahagi sa mga lugar na isinailalim sa granular lockdown sa rehiyon dahil sa COVID-19.
Bago pa man kasi umano magbaba ng kautusan ang kanilang central office hinggil dito ay nagbibigay na sila ng ayuda sa mga LGU na nangangailangan ng augmentation support para sa mga lugar na apektado ng general lockdown.
Setyembre 13 nang ibaba ng DSWD Secretary Rolando Bautista ang Memorandum Circular No. 11 na nag-uutos sa mga field offices nito na tulungan ang mga LGU sa pagsusupply ng family food packs sa mga apektadong pamilya para naman sa granular lockdown.
Ito umano ay shared responsibility ng ahensya at ng mga lokal na pamahalaan. Ibig sabihin, kung 14 na araw ang lockdown sa isang bahay, compound, Purok, Subdibisyon o Barangay, ang unang pitong araw ay sasagutin ng LGU habang ang natititrang pitong araw ay siyang susuplayan ng augmentation ng DSWD.
Upang maka-avail nito, kailangang maisumite sa kanila ng LGU ang deklarasyon ng lockdown sa isang partikular na lugar kasama ang bilang ng mga pamilyang apektado at ang concurrence ng Bicol Interagency Task Force (BIATF).### || slm, with reports from BNFM Legazpi
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…